Skip to content

АНОНС

Открылся   YouTube канал Тубсааны 

Кулун тутар ый

Кулун тутар ый

Алгыһа

 

Дьөһөгөй Айыыга хайыһыы
Хоруу, хоруу, хоруу!
Саханы саха оҥорон
Сандаарпыт,
Киһини киһи оҥорон
Килэппит ,
Дьиэни диэлитээччи,
Күрүөнү уһатааччы,
Алтан сэргэни анньааччы,
Аал уоту уматааччы,
Төлкөлөөх түһүлгэни төрүттээччи,
Дэлэй ыһыаҕы тэрийээччи,
Түөрэм туйахтаах,
Нэлим сиэллээх,
Сиэр дьүһүннээх,
Доллу кулгаахтаах,
Санныгар дьаҕыллаах,
Самыытыгар таҥара бэлиэлээх,
Күн Дьөһөгөй
Айыы тойон,
Бэттэх көрөн
Мичик гын!
Дом!
Күнэ – дьыла
Кулун тутарга саас төһө эрдэ кэлэрин, сайын хайдах буолуон билгэлииллэр.
Кулун тутартан тоҕус тибии буоллаҕына, угут бэлиэтэ.
Кулун тутарга бэлиэтээбит күнүгэр кэлэр ыйга хаар алдьанар.
Ый икки тыаллаах: хаардаах көмнөҕү түһэрэр тыал уонна сыыр хастыыр тыал. Ый хаара – туллук кэлэр хаара.
Кулун тутары балаҕан ыйа батыһар.
Ый алтыыта үһүс күҥҥэ буолар.
Суолтата
Кулун тутар ыйга сырдык уонна хараҥа, тымныы уонна сылаас охсуһаллар. Ол иһин бу ыйы кубулҕаттаах ый дииллэр.Бу кэмҥэ саха төрөөбүт ,олоҥхо айыллыбыт. Аны саханы кытта тэҥҥэ сылгы үөскээбит.
Ааттара
1,2 – Айастаан, Күннэй.
3,4 – Саарын, Сахаайа.
5,6 – Айан, Тускулаана.
7,8 – Аталамы ,Айгыына.
9,10 – Айаал, Барахсаана.
11,12 – Аман, Туйаарыма.
13,14 – Ньургун, Айыына.
15,16 – Мүлдьү, Айаана.
17,18 – Туйгун, Мичийэ.
19,20 – Айхал, Дойдууна.
21,22 – Тулуй, Алгыстаана.
23,24 – Күндүмэн, Сайаана.
25,26 – Толбон, Туллуктаана.
27,28 – Тускун, Кэскилээнэ.
29,30 – Дьулустаан, Тупсууна.
31 – Быйаман, Арчыына.

Оставить комментарий

Войти с помощью: