Урукку боотурдар суолларын умнумуох.
Урукку боотурдар
Суолларын умнумуох
Сир иэнэ кыарыаҕа
Хараҥа сабардыа
Халлааммыт хараастыа
Үрүҥ күн өлбөөрүө
Илэ күүс эр бэрдин
Итэҕэс ииттэххэ
Боотуру төрөппөт
Үөскэппэт буоллахха
Абааһы аймаҕа
Айбардаан барыаҕа
Баламай бардамныа
Бэл соххор содуомнуо
Илбис хаан ииригэр
Адьарай ааттааҕар
Баттаппат инниттэн
Бэриммэт туһуттан
Айыы хаан аймаҕын
Урааҥхай удьуорун
Боотурун төрөтөн
Буойунун уһуйан
Күн өркөн улууһун
Көмүскүүр буолуоҕун
Үрүҥ күн сырдыгын
Харыстыы үөрэниэх
Урукку буойуттар
Ааттарын ааттыаҕын
Кыайыыга кынаттаах
Суолларын тутуһуох
Чаҕаан
