Олунньу ый
Одун Хааҥҥа хайыһыы
Муундара, муундара, муундара!
Сир – халлаан кулукутун
Тутан олорооччулар,
Айыы Суолун
Арыйааччылар,
Күн суолун көрдөрөөччүлэр,
Төлөрүйбэт төлкөлөөх,
Уларыйбат уураахтаах,
Сөллүбэт тыллаах
Сүдү айыылар,
Оҥорууну олохтооччу
Орулуур Одун Хаан,
Ыйааҕы оҥорооччу
Чыҥырыыр Чыҥыс Хаан,
Үтүө тыыҥҥытын түһэрэн
Күрүөлээҥ,
Бэттэх көрөн
Мичик гыныҥ!
Дом!
Күнэ – дьыла
Олунньуга саас кэлиитин уонна хайдах саас буолуон билгэлииллэр.
Ый хаһыс күнүгэр сылыйар да,кэлэр ыйга ол кэмҥэ бэлиэтээһин буолар.
Олунньуга сылаас,былыттаах буоллаҕына, сайына кураан; тымныы буоллаҕына,сайына ардахтаах.
Тымныы тостор сис былыта олунньу 15-20 күнүгэр буолар.
Ый икки тыаллаах: хаардаах көмнөҕү түһэрэр тыал уонна күнү көтөҕөр тыал.
Олунньуну атырдьах ыйа батыһар.
Ый алтыыта олунньу 6 күнүгэр буолар.
Суолтата
Олунньу ыйга сырдык саҥа элбээн иһэр.Тымныы тосто илик.Бу кэмҥэ ас иҥэмтиэтэ аҕыйаан,киһи этэ-сиинэ мөлтүүр.Онон бу ыйга дьаҥ тарҕанар.Дьон ыарыыны утары өйдөрүн-санааларын күүһүнэн охсуһаллар.Тыл суолтата улаатар.Олоҥхону,остуоруйаны,кэпсээни истии дэлэйэр.Үөрэни элбэхтик сииллэр.
Ааттара
1,2- Одун, Арчыына.
3,4- Сулустаан, Тупсууна.
5,6- Өркөн, Күбэйэ.
7,8-Тулуй, Туйгууна.
9,10-Сүргэн, Мичийэ.
11,12- Тускун, Сандаара.
13,14- Талбан, Харыстаана.
15,16- Эрчим, Дойдууна.
17,18-Тургун, Нарыйа.
19,20- Кэскил, Күндүүнэ.
21,22-Мургун, Сардаана.
23,24-Ньургустаан, Талбаана.
25,26-Арчын, Кэрэчээнэ.
27,28-Далан, Умсуура.
29-Айастаан,Алгыстаана.
