Skip to content

АНОНС

Открылся канал нашего портала в Ютубе - Канал «Якутия. Образ будущего»

Бултааһын араас түгэннэриттэн. Куобах оҕолуу ытааһына.

Бу ааспыт 20-ис үйэ биэс уонус сылларын бастакы аҥаарыгар буолбута. Билигин санаан көрдөххө оччотооҕу тыа, дэриэбинэ оҕото акаары, өс киирбэх да эбит, аныгы үйэ оҕолоругар холоотоххо.
Атырдьах ыйын бүтэһик күннэрэ. Тастыҥ убайым диэххэ сөп Пролетарий Николаевичтыын-Быраайкалыын куобахха бэҕэһээ ииппит туһахтарбытын көрө баран иһэбит. Арай доҕоор!.. мин иһиттэхпинэ иннибитигэр ойуур иһигэр кыра оҕо куолаһа ытыыр да ытыыр, эһээ, эһээ эрэ диэбэт. Арай киһим этэр:-“Өлуөскэ, баран ити оҕону уоскут, көтөх бүөбэйдээ” диир уонна күлэр да күлэр. Мин ол диэкки элэс гынан хааллым. Сүүрэн тиийбитим бэҕэһээ ииппит туһахпытыгар улахан баҕайы куобах сарылыы-сарылыы мөхсө олорор, ханнык да оҕо буолбатах. Төптөрү сүүрэн кэлэн этэбин:-“Ханнык да оҕо буолбатах, куобах улахан баҕайы, чугаһаппат”диибин. Киһим күлэрэ өссө күүһүрдэ, бирээмэ сиргэ төкүнүйэ сылдьар: -“Ити куобах о5ото, баран өссө уоскут, туохта эмэ биэр, көтөх эҥин” диир. – Мин куттанабын, бэйэҥ бар- диибин. Киһим кэмниэ-кэнэҕэс, тото-хана дэлби күлэн баран туран улахан мас ылан барда, тиийэн ол маһынан куобаҕын дьаһайан кэллэ, онтубут туһахха агдатыттан ылларбыт куобах сордоно олорбут эбит. Киэһээ дьиэбитигэр кэлэн, Быраайкам ийэтигэр кэпсиир: -“Маама, Өлүөскэ куобах оҕотун уоскуппакка дэлби ытатта” диир, ону ийэтэ Өкүлүүн эмээхсин, мин ийэм табаарыһа, миигин 1942с. төрөппүт уонна улахан оҕотун аатынан Өлөксөй диэн сүрэхтээбит, тутатына өйдөөн: “Акаары, кыра оҕону (миигин) хаадьылыы сылдьаҕын” диэн сыыһа-халты охсон таһырдьа куоттарда. Түмүгэр үөлээннээхтэрим сылы супту Өлүөскэ куобах оҕотун ытаппыт диэн хаадьылаан сорбун сордообуттара. Бу буолар булдунан оонньооһун, тыыннаах дууһаны муҥнааһын диэн, булкун сордообокко-муҥнаабакка тутатына дьаһайыахтааххын. Билиҥҥи бириэмэҕэ куобаҕы, көтөрү-сүүрэри үөскэтэр сыаллаах, бобуу-мараторий биллэрэргэ сөп буолла, ону туох дии саныыргыт буолла???

-Өлөксөй- 29.01.2016с.

Один комментарий к статье: “Бултааһын араас түгэннэриттэн. Куобах оҕолуу ытааһына.

  1. Аhары бобор эмиэ айылха5а мэhэйдэhии кэриэтэ ини… Киhи эмиэ бу орто дойдуга айыл5а балансын тэннээри баар буолла5а. Ол кэриэтин септеех, бэрээдэктиир быраабылалар бааллара сеп курдук.

Оставить комментарий

Войти с помощью: