Skip to content

АНОНС

Открылся канал нашего портала в Ютубе - Канал «Якутия. Образ будущего»

Оҕо харыстара (сүбэлэр).

 

НОЯБРЬ 12, 2015 г.
ИТЭҔЭЛ. СҮБЭЛЭР.

Өбүгэлэрбитоҕо улаатар,сайдар кэмигэр ис-тас эйгэттэн араастык харыстыыллара:
*Саха оҕотун таптыырыгар атын омук курдук «көмүс»,»күн» эҥин диэн ымманыйбат.

*Кыра оҕону харахха быраҕыллар гына таҥыннарар -симиир сүөргүлэнэрэ.
*Ураты дьоҕурдаах оҕону харыстаан кистиир этилэр.Куһаҕан харахтаах таба көрүө,күтүр тыллаах быһа этиэ диэн сэрэнэллэрэ.
*Оҕо туругунтуһунан улаханнык саҥарбаттара.
*Оҕону остуолга сытыарбаттар.
*Оҕо бастакы ньуолах баттаҕын туомун суулаан туспа ууруллар.
*Оҕо тыҥыраҕын,баттаҕын,тииһин сиргэ-уокка бырахпаттар,суулаан үөһээ кыбыталлар.
*Оҕону саҥа таһааран хайҕаабаттар.
*Саҥа тылланар оҕо саҥатын үтүктүбэттэр.
*Оҕону өлбүттээххэ көтөхтөрбөттөр,чугаһаппаттар.
*Абааһы моһуоктуодиэн оҕо таҥаһын таһырдьа хаалларбаттар.
*Оҕо иигин-сааҕын, таҥаһын уокка бырахпаттар.
*Тыллана илик оҕолору утарыта олордубаттар, көтөхпөттөр, дьоллорун былдьаһаллар диэн.
*Кыра оҕону сиэркилэҕэ көрдөрбөттөр.
*Төрөппүт минньигэһин оҕоҕо бэрсэр үгэстээх.Оҕо ону үтүктэн эмиэ күндүлүүргэ үөрэнэр.
*Атын оҕону самнаран, бэйэ оҕотун үрдэтэн арбаатахха, ол анньыыта оҕоҕо көһөр диэн.
*Оҕо соруйан куһаҕаны оҥороро, көтөрү, харамайы өлөрөрө, уйатын тыытара, алдьатара аньыылаах дииллэрэ.
*Оҕо оҥорбут буруйабиллэн, сонно тута дьүүлгэ-сэмэҕэ туран дьарыллыахтаах, оҕо буруйун боруостуургаүөрэнэр.
*Өбүгэлэрбит тыл күүстээҕин-сэттээҕин билэр буоланнар, оҕону ыар тылынан этэри-мөҕөрү аньыыргыыллара. Оҕо таһыллан ыалдьыбыта аастар эрэ хомойбута хараҕын уутун кытта сууйуллар, оттон тыл кыһыыта-абата оҕо төбөтүгэр иҥэн, олорон хаалыан сөп.
*Таҥара тулаайах оҕо хараҕын уутун тоҕору ыар аньыынан ааҕар үһү.

Бравина.Р.И кинигэтиттэн.

 

Оставить комментарий

Войти с помощью: