Өбүгэ ньыматын сөбүлээбит ситиһиилээх ыччаттарбыт суруйуулара
М.С. Ноговицына,
дуобакка аан дойду норуоттарын икки ардыларынааҕы
гроссмейстера, Россия чөмпүйүөнэ, Аан дойду кубогын
кыайыылааҕа, 2010 сыл Дьобуруопа призера
Быйыл тэтимнээх оонньууга 100 харахтаах дуобакка Аан дойдуга дьахталларга бастаабыккынан эҕэрдэлиибин!
Айыы Сиэн
Үтүөнү, кэрэни түстүүр
Мин кыра эрдэхпиттэн дуобатынан дьарыктанабын, элбэх күрэхтэһиигэ кыттабын. Степан Федотовиһы 2007 сыллаахха Дьахталларга Аан Дойду Чөмпүйэнээтин кэмигэр, аҕам, Ноговицын Степан Тимофеевич табаарыһа, СГУ-га бииргэ үөрэммит үөлээннээҕэ буоларын билбитим. Күрэхтэһии кэмигэр ийэбин, аҕабын кытта миэхэ тэҥҥэ кыайыыны-хотууну, ситиһиини түстээбиттэрэ, мэктиэлээбиттэрэ. Уонна мэтээллэммиппиттэн үөрбүттэрэ, өрөгөйдөөбүттэрэ.
Наһаа интэриэһинэй, туспа көрүүлээх, дириҥ философиялаах, дьону-олоҕу уратытык көрөр, өйдүүр, айылҕаттан айдарыылаах киһи буоларынан сыаналыыбын. Киһи айылҕаны кытта сибээстээҕин, «саха» диэн чулуу норуот буоларбытын өссө төгүл өйдөппүтэ. Киһи бэйэтин массаастаан эмтэнэр, туругун көннөрүнэр ньыматын үөрэппитэ. Билигин ону туһалаахтык, сирэйбин массаастанан күөмэй ыарыытыттан харыстанабын. Степан Федотович курдук киһини билэрбиттэн үөрэбин, өссө да элбэҕи кэрэни түстүүрүгэр баҕарабын.
Олунньу 2015 сыл
Екатерина Тайшина,
ведущая артистка балета ГТОиБ,
заслуженная артистка РФ, РС (Я)
Профессионал своего дела
Моя профессия связана с большими физическими нагрузками и не редко приходится прибегать к помощи медицины, к массажу и другим видам лечения.
Степана Федотовича я уже знаю многие годы. В жизни крайне редко бывает, чтобы при первом знакомстве человек вызывал у меня доверие и именно Степан Федотович оказался одним из немногих. Сразу стало понятно, что он профессионал своего дела и его сеансы мне действительно помогли. В первую очередь меня заинтересовала именно методика его лечения (акупунктура, т.е. «отооһун»). С таким методом я до и после Степана Федотовича не сталкивалась. Ему не надо говорить о том, что именно у тебя болит, он сам находит проблему во время лечения и что мне нравится это то, что он лечит весь организм, переходя от одной точки к другой, а не одну единственную проблему. После его сеанса мой организм вдыхает полной грудью и все напряжение и усталость как рукой снимает. С тех пор я называю его дядей Степой. От него всегда исходит доброта, спокойствие и понимание. Это человек, которому я действительно доверяю и в тяжелые моменты я всегда обращаюсь к нему за помощью и благодарна ему за то, что он всегда найдет время и откликнется на просьбу.
2014 г., Якутск
В.В. Ларионова-Ый кыыhа,
саха эстрадатын ырыаһыта
Киэҥ көҕүстээх киһи
Чурапчы Хатылытыгар төрөөбүт буоламмын, биир дойдулаахпын, ытыктыыр киһибин Попов Степан Федотовиһи– Айыы Cиэни кытта билсиспитим, алтыспытым ыраатта. Кини аа-дьуо, бэйэтэ-бэйэтигэр сылдьан, улаханнык салгыны хамсаппакка, маны кыайдым, итини оҥордум диэн дойҕохтообокко, киһиргээбэккэ, элбэх дьоҥҥо көмөлөһөр.
Миэхэ холку, киэҥ көҕүстээх санаатынан куруук күүс-көмө буолар, истиҥ тылынан-өһүнэн наар сүбэлии-амалыы сылдьар. Эмчит быһыытынан илиитэ чэбдигирдэрэ мөккүөрэ суох. Инникитин да дьоҥҥо көмөлөһө турдун, үгүс ситиһиини, чэгиэн доруобуйаны, үтүмэн үөрүүнү баҕарабын.
2014 сыл, Дьокуускай
Күн кыыһа, Күн ыйа Варяҕа!
«Арыт адаар хайалары
Арылытан ааһар аналлаах,
Ыраахтан ыанньыйдаҕына эрэ
Ыйманыйар ыйаахтаах,
Ыркый ойуурдары
Ырылытан ыйдаҥардар,
Эрэй-буруй эҥэрдээх,
Сор-муҥ соһуулаах
Соҕотох сылдьар сурахтаах,
Аҥаардас аатырар аналлаах
Ый кыыһа буолаҕын!
Оргуһуохтаах уугун уһулбакка,
Санньыар санаа сүгэһэрдээх,
Сонньуор сурах соһуулаах,
Курус санаа кууһуулаах,
Ситтэххинэ эрэ сыдьаайар,
Туоллаххына эрэ толбоннурар,
Түүнүн эрэ күндүтүйэр,
Кэлэргин-бараргын көһүйэ көһүттэрэр,
Саһаргын-сүтэргин сайыһа сылатар,
Ыар олохтоох, ыарахан дьылҕалаах
Ый Кыыһа буоларыҥ уурайан,
Ааккыттан арахсан,
Суолгун сууйан,
Күнүн аайы көй салгыҥҥа,
Күөх халлааҥҥа
Көһүттэрбэккэ көстөр,
Күлэн-үөрэн мичилийэр,
Барыбытыгар баҕалаах,
Сир Ийэни сириэдитэн
Сибэккинэн симээччи,
Сиэдэрэйдээн ситэрээччи,
Көрбүтүнэн көҕөрдөөччү,
Туппутунан тупсарааччы,
Айылҕаны айааччы,
Ойуур олоҕун олохтооччу,
Уу уоругун ууһатааччы,
Аналлаан араҥаччылааччы,
Өлүүлээн өйүөлээччи,
Баҕалаахтарга бэрсээччи,
Үөрүүнэн үллэрээччи,
Тэҥинэн тиксэрээччи,
Итиинэн илгийэр,
Сылааһынан сыдьаайар
Күн Кыыһа!
Күн Ыйа буол», – диэн
Айыы Сиэн алҕаатаҕым,
Сүмэлээх сүбэбинэн сүрэхтээтэҕим,
Арчылаах ааккынан
Алҕаатаҕым буолуохтун!
Дом! Дом! Дом!
27.04.2010 сыл, ХНТ, Нью-Йорк.
Сүрэхтээһини туоһулаатылар, аан дойду төрүт олохтоох омуктарын IX форумун кыттыылаахтара: В.И.Дьяконова, М.Е.Кельциева уо.д.а.
Ааты-суолу, үтүө этиилэри ылынным – В.В.Ларионова-Ый кыыһа
