Саҥа сокуоммутун дьүүллээһиэҕиҥ !
Бары билэргит курдук Саҥа тыа хаһаайыстыбатын сайдыытын сокуонун барылын дьүүллэһии буолан эрэр. Гражданскай платформа партиятын проегын нэһиилэ “Туймаада” хаһыат №281 26.11.2015 нүэмэригэр булан аахтым. Тоҕо эрэ правительственнай хаһыаттар, НВК “Саха” бааллара суохтара биллибэт, соҕотох “Туймаада” хаһыат тыа сирин олохтоохторугар тиийэрэ ахсааннаах буолуо.
Е. А. Борисов бэйэтин сокуонун проегын “Ил-Түмэҥҥэ” 17.12.2015 с. киллэрэр. Бу сокуоммут икки сыл куруланан баран олунньу ый бастакы күнүттэн 2017 с. улэҕэ киирэр. Бу сокуоҥҥа тыа хаһаайыстыбатын улэтин, промышленноһы кытары ситимнээн үлэлэһиитэ биир да тыл суоҕа сөхтөрөр. Холобур өрөспүүбүлүкэҕэ соҕотох “Анаабыр Алмаастара” промышленнай тэрилтэ, салайааччы-Матвей Евсеев “Ил-Түмэн” депутата эрэ тыа хаһаайыстыбатыгар болҕомтотугар уурара биллэр.
Аны туран “Гражданскай платформа”, “Коммунистар” сокуоннарын проега “Ил-Тумэн” дьүүлүгэр тахсаллара да саарбах соҕус курдук.
Э.Б. Березкин уонна Р.С. Барашков билэргит курдук эдэр, эрчимнээх-үрдүк экономическай үэрэхтээх улахан салайар үлэҕэ эриллибит уолаттар.
Бу саҥа сокуон проегар 4 сүрүн өрүт баар:
1) 1 лиитрэ үүт супсидиятын 72 солкуобайга тиэрдии;
2) Тыа хаһаайыстыбатын өйөөһүҥҥэ көрүллэр үп-60%на табаары оҥорооччуга субсидия быһыытынан быһаччы барыахтаах;
3) Онтон Е.А. Борисов сокуонунан 8 миллиардтан 2 миллиарда 140 мөллүйүөнэ эрэ тыа дьонугар сылы быһы ити-бу тэрилтэни аара аһатан, үүт туттарбыт киһиэхэ сыл бүтүүтэ бар туома тиийэр. Аны туран бу сокуоммут “Хара тураах маҥхайбытын кэннэ” 2 сылынан 2017 сылга үлэҕэ киирэр;
4) Э.Б. Березкин, Р.С. Барашков сокуоннара олунньу ый 1 күнүттэн 2016 с. үлэлиэхтээх, аны туран-тыа хаһаайыстыбатын табаары оҥорооччуга туттуллар өйөбүл субсидия инфляцияны батыһан үрдээн иһиэхтээх.
Бу сотору 17.12.2015с. буолар сессияҕа Е.А. Борисов сокуона хаардыы хааман куоластааһыны ааһар кыахтаах. Биһиги сокуону оҥорор парламеммытыгар тойон эттэ-фракция толорор “Единая Россия”-тан 51 депутат, фракция эттэ-депутаттар 100% куоластыыллар. Онон, тыам сирин олохтоохторо, депутаттаргытын уһугуннартааҥ, хайдах куоластыылларын хонтуруоллааҥ диэн ыҥырабын. Өйдөөҥ! Дойдум дьоно- “Гражданскай платформа” политическай партия бырайыагын ааспатаҕына аны уонча сылынан тыа хаһаайыстыбата эстэр, баҕарбатахпыт даҕаны ыаллыы улуу КНР дьонун аҕалан сирбитин арендалаан кинилэргэ илии-атах үлэһит буолан айахпытын ииттэр кыахтанабыт.
08.12.15с. -Өлөксөй-
“Туймаада” №278-05.11.15с.,№282-13.11.15с.,№281-26.11.15с.
“Якутск Вечерний от 13.11.15с.”
