Skip to content

АНОНС

Открылся канал нашего портала в Ютубе - Канал «Якутия. Образ будущего»

Санаа туһунан санаалар

Киһи санаа кулута – диэн өйдөбүл баар. Хас биирдии санаа бэйэтэ туһунан айылгылаах буолар. Сорох санаа киһини кэрбиир, сиир, түмүгэр аллараа да дойдуга ыытыан сөп. Сорох санааҥ киһини кынаттыыр,  эмтиир, уөрдэр-көтүтэр, сүргэни көтөҕөр, күүс-уох эбэр. Сорох санаа сыыс-бөх курдук туохха барытыгар мэһэйдээн, умуннаран, муннаран киһини  бутуйар аакка сырытыннарыан сөп(абааһы мэһэйдэспитигэр дылы).  Санаа эмиэ бэйэтэ туһунан тэтимнээх (энергетика) долгуннаах(вибрация-частота).
Ылбычча киһи ханнык баҕарар санааттан кыайан босхоломмот. Итинниккэ дьарык наада.

Төһөннөн төбөҥ иһэ толору буолар да,  үөрэҕи ылыныы ыарахан буолар(информационная отравления – диэбит курдук)
Төбөҥ куруутун кураанах буоллаҕына, эн гений да буолуоххун сөп.Киирбит информация туох да иҥнигэнэ суох иҥэр.Туһата суоҕун бэйэҥ да билбэккэ сиидэлээн иһэҕин. Итинниккэ холобур элбэх – оҕо саҥа төрүөҕүттэн оннук буолар.  Оннукка тиийэргэ аналлаах эрчиллиилэр(медитация,тренинг) элбэхтэр. Олорунан сүрэҕэлдьээбэккэ дьарыктаныахха эрэ наада (сороҕо төлөбүрдээх буолар)

Санааҕа оҕустарбыт киһи оннукка-манныкка түбэһиэн сөп, сааһыламмыт санаалаах киһи туохха да түбэспэт, эбэтэр туох да буолтун иннигэр төрдүн төбөтүн дөбөҥнүк быһаарар(мунаахсыйбат).

Төбөнү ыраастанар, тастан дьайыыта суох, ыарахан соҕус буолуо…

Бу билигин интернет ситимэ үөскээбитин түмүгэр, итинниккэ туох да хааччаҕа суох дьарыктаныахха сөп. Талбыт поисковика (яндекс, гугл) наадыйар кыһалҕаҕын суруйдуҥ да информация бөҕө кутулла түһэр.Эн баҕарар баҕаҕын чопчу соҕустук суруйуоххун эрэ наада.
Сороҕо босхо буолуо, сороҕо харчылаах буолуо.Бэйэҥ куккар хайата чугаһый да ону хачайдаан ылан дьарыктанан киирэн барыахха наада, кэнникигэ көһөрдүҥ да ол оннук хаалар, туох да уларыйыыта суох.
Аны туран итиннэ сэрээхтээх соҕус буолуохха наада, харчы эрбээччилэриҥ
хара баһаам буолуохтара, дьиҥнээх туһалыыр информация олох аҕыйах буолуо. Бастатан туран ону араара үөрэниэххэ наада. Ол онно бу интернет ситимэ эмиэ көмөлөһүөн сөп(мониторинг,отзывы…)

Чэ уонна тугу этиэмий?

-“Куһаҕан санаа куһаҕаҥҥа тиэрдэр, үчүгэй санаа үчүгэйгэ тиэрдэр” – диэн өйдөбүлү умнумаҥ!

Оставить комментарий

Войти с помощью: