Skip to content

АНОНС

Открылся канал нашего портала в Ютубе - Канал «Якутия. Образ будущего»

Саха Тылын Күүһэ

 

САХА ТЫЛЫН КҮҮҺЭ.

Ханнык баҕарар дорҕоон дьиримниир долгуну(вибрация)биэрэрин курдук,саха
тыла эмиэ ураты дорҕоонноох. Маны оннооҕор атын омуктар эмиэ үөрэтэн эрэллэр.Тоҕо?
Саха тыла түҥ былыргы тыл буолан, саха омук кута, ханнык да омук кутунааҕар кырдьаҕас буолан(раритет да диэххэ сөп) күүстээх суолтата биллэн,оннук интэриэһи үөскэттэ.
Бу соторутааҕыта этэн турабын:
Cаха тылыгар хайдах сыһыаннаһаҕын да, олоҕуҥ эйиэхэ оннук сыһыаннаһар.
Ити бэйэтэ бэрт кыра ирдэбил курдук эрээри, сорохторго кыаллыбата хомолтолоох.
Саха хас биирдии тылын ырытан да көрдөххө,сүһүөх-сүһүөх араартаан анааран көрдөххө,хас биирдии сүһүөҕэ сүдү суолталаах буолар.
Хаһан эрэ  этэн турабын:
-“Биһиги бэйэбит эрэ буолбатахпыт,биһиги биир тыыннаах эйгэ иһигэр олоробут”-хас этэр тылбыт,саныыр санаабыт,туттар-хаптар быһыыбыт ытыска уурбут курдук үөһэттэн көстөн олорор.
Саха тылын ыраастык(быһыта баттаабакка, атын омук тылын кытта кыттыһыннарбакка) саҥарыы,бу саҥарар киһини,бу олоххо тирэҕэ үчүгэйин көрдөрөр.
Итини көннөрүнүү сорохторго ыарахан соҕус буолуо,сорохторго чэпчэки соҕус буолуо. Ол гынан баран ити кимиэхэ баҕарар КЫАЛЛАР СУОЛ.
“Туохпут да сатаммат,ити суох бу суох”-диир дьон саҥарар тылгытын ырытынан көрүҥ эрэ…САХА ТЫЛЫН КҮҮҺҮН суолтата итиннэ сытар.
Ханнык да бизнес тренерга(коуч),психологка сылдьыбакка эрэ,сахаҕыт тылын ыраастык саҥарарга дьулуһуҥ.Айбыт айыыһыккытыттан,иэйбит иэйэхсиккититтэн, өр-өтөр буолбакка көмө кэлиэ диэн көрөбүн.
Анатолий Бояркин 2012 сыл. Олунньу

Оставить комментарий

Войти с помощью: