Skip to content

АНОНС

Открылся канал нашего портала в Ютубе - Канал «Якутия. Образ будущего»

Күнтэгилгэ сырыы.        

Хайа Кыыһа.

12.11.2015 сыл.

К__нтэгилК__нтэгил2К__нтэгил1

Дьокуускай куорат.

 Бүгүн дьүөгэбинээн Тубсааналыын автобуска төттөрү таары олорсон ,куораты  уһаты-туора айаннаан Сайсарга баар “Алаас”- диэн тохтобулга тиийэн тустубут.Кыратык хаама түһээт, тиийиэхтээх сирбитин буллубут. “Кунтэгил”- диэн ааттаах, икки мэндиэмэннээх  сүрдээх кичэллээхтик тутуллубут дьикти кэрэ көстүүлээх дьиэ буолан сөхтөрдө. Иһигэр киирдэххэ сырдыга, ырааһа, сылааһа, бары-барыта уурбут-туппут курдуга оҕолорго анаан оҥоһуллубута өтө көстөрө,киһини итэҕэтэрэ.

  Уһуйаан хотуна Светлана Афанасьевна төһө да оҕо улаатыытыгар олордор, биһигини кэлэн уөрэ-көтө көрустэ.Остуол тула олорон кэпсэтиибитин саҕалаатыбыт.

  Бу уһуйаан 2012 сыллаахтан үлэҕэ иирбит, ол гынан баран быйылгыттан  кыыс-уол диэнҥэ арааран (гендерное воспитание), улэлэрин саҕалаабыттар. Сиэр быһыытынан тастан кэлбит ыалдьыттарга тылы биэрдилэр. Мин кыратык ийэ дорҕоон туһунан кэпсээтим. Тубсаана сонун кэпсээннэрин сөҕө-махтайа иһиттилэр,элбэх кэрчик боппуруоска бэйэтин сүбэтин-аматын үллэһиннэ. Иитээччилэр бары да эдэр-эрчимнээх, элбэх билиилээх-көрүүлээх, үлэлэригэр үрдүк ирдэбиллээхтик сыһыаннаһар  дьон буолан биэрдилэр.

  Кэпсэтии түмүгэр мин, эбээ киһи быһыытынан, маннык санааҕа кэллим: – “Бу уһуйаанҥа сылдьыбыт оҕо хайаан да сахабыт сиригэр туһалаах дьон буолан тахсаллара мөккүөрэ суох. Манна хас биирдии оҕоҕо ийэлии-аҕалыы истиҥ-сылаас иһирэх сыһыан оҕоҕо эрэли уөскэтэр”. Дохсун санаалаах, үлэһит да эдэр дьон баар эбит диэн сөҕө-махтайа,астына инникибитигэр эрэллээх төнүннүбүт.

 

Оставить комментарий

Войти с помощью: