Skip to content

АНОНС

Открылся канал нашего портала в Ютубе - Канал «Якутия. Образ будущего»

Мүһэ

Аан дойдуга баар сүүһүнэн араас итэҕэллээх дьон чулууларын түмүү, салайыы — саха омук ситиһиитэ. Ону уруйдуур дьоро кэммит кэлбит курдук көрөбүн.

Күннээҕи түбүктэртэн бүкпэккэ, алгысчыт көмөтүнэн, кини этиттэриитинэн, Аар Айыылардыын алтыһар, өспөт өбүгэлэрбит үтүөлэригэр үҥэр, мааныларыгар махтанар, сүдүлэригэр сүгүрүйэр үгэспитинэн сиэри-туому тутуһан саҕалыахтаахпыт. Онтон күрэхтэһии бүтүүтүгэр төһө даҕаны сыаналаах боччумнаах бириистэр баалларын үрдүнэн, хайаан даҕаны өспөт өбүгэлэрбит ааттарыттан харыны харбатыы, мүһэни туттарыы диэн булгуччу баар буолуохтаах дии саныыбын. Мүһэ – Таас Үйэ саҕаттан олохсуйбут үгэс буолар. Ханна туохха тэрийэллэриттэн тутулуга суох, ханнык баҕарар өбүгэ оонньуутун күрэхтэһиитигэр мүһэ хайаан даҕаны баар буолуохтаах диэн этиилээхпин. Ыаллыы омуктарбытыгар тустууга «күрэстэригэр» эбэтэр аан дойдуга биллэр «муай тай» диэн таиланнар күрэхтэһиилэрин иннинэ, үгэс буолбут үҥкүүлэрин онно кыттар омуктар бары толороллор. Биһиги, сахалар, былыр-былыргыттан биһиэхэ күүстээх бөҕөстөр, бухатыырдар баалларын, кини диэн көрдөрөр эттээх мүһэни туттарар үгэс хаалбытын, дьэ, умнуо суохтаахпыт. Былыргыттан улахан бөҕөстөр, бухатыырдар киирсиилэригэр анаан сүөһү ас маанытын туталлара, кымыс уохтааҕын иһэллэрэ историяҕа баар чахчы. Ол аата саамай күүстээххэ, дурда-хахха буолааччыга сииригэр эттээх мүһэ этэ чиэстэнэн тиксэрэ, онтон уҥуоҕа былыр хаспах саҕанааҕы үйэлэртэн сүллүгэс, соҕооччу оруолланара уонна куругар кыбытыллар күүстээхтэрэ, бастыҥнара кини дэтэр  Им бэлиэ буолара.

 

Киин куорат. – 2014. – ахсынньы 11 күнэ

Оставить комментарий

Войти с помощью: